ఈ మధ్యాన్నం..

- ఆకెళ్ళ రవిప్రకాష్

సగం తీరం మీదా
సగం రాళ్ళ మీదా
ఆరేసిన తెల్లని ఎండ దుప్పటి
నీళ్ళలోకి సగం కూలిన పురావంతెన
గతాన్ని మళ్ళీ అరగదీస్తూ అలలు
నే కోల్పోయిన రోజులు
నన్ను బంధించిన రోజులు
అతివేగంగా దరిచేరుతున్న మరోవేసవి
ఇంకా ఎవరూ కట్టని నగరాల గురించీ
రాయని కావ్యాల గురించీ
దీర్ఘంగా ఆలోచిస్తూ సముద్రం
ఈ
మధ్యాన్నం
కొంచెం చలిగా
కొంచెం వెచ్చగా
మహా బద్ధకంగా.

22-మార్చి-2013

Follow : https://www.facebook.com/akellaraviprakash