ప్రేమ మటుకే…

నేను నిరాశగా

ఆనందం నించీ బహిష్క్రుతుణ్ణయి వున్నపుడు

ఎల్లపుడూ

ప్రేమ మటుకే

తనదారుల్ని తెరిచింది.

అందుకే నేననుకుంటాను

ప్రేమ మటుకే బ్రతికించగలదని.

బిడియాలని

సంకోచాలని విడిచి

ప్రేమలోకి ఎగరడానికి

ధైర్యం చేయగలిగితే

మనమంటే ఏమిటొ

వెలుగంటే ఏమిటొ

ప్రేమ మటుకే తేటతెల్లం చేస్తుంది

నిజానికి ప్రేమించడం అంటే

మన చుట్టూ మనం నిర్మించుకున్న

కారాగారాల గోడల్ని కూల్చడమే!

- ఆకెళ్ళ రవిప్రకాష్ 

ప్రచురణ :  సారంగ